Upplýsingar

Að spyrja spurninga er eitt mikilvægasta verkfærið sem við höfum til að skilja heiminn betur. Spurningar hjálpa okkur að efast, skoða málin frá nýjum sjónarhornum og brjóta niður gömul og sterk viðhorf sem annars myndu fara óséð fram hjá okkur. Í samfélagsmálum, eins og jafnrétti í íþróttum, skipta spurningar enn meira máli, þær opna umræðu, varpa ljósi á ósýnileg vandamál og leiða okkur að betri lausnum. Með því að spyrja krefjumst við svara frá kerfinu, við gamaldags hugmyndum og stuðlum að jákvæðum breytingum. 

Spurningar eru fyrsta skrefið að því að bæta samfélagið.

Algengar spurningar

Hvernig geta íþróttabúningar og útlitskröfur haft áhrif á sjálfsmynd kvenna í íþróttum?

Óhentug eða kynbundin hönnun búninga getur aukið óöryggi, dregið úr sjálfstrausti og haft áhrif á frammistöðu. Á sama tíma getur fjölmiðlaumfjöllun sem leggur ofuráherslu á útlit eða líkama íþróttakvenna aukið streitu og staðalímyndir (Kim & Kim, 2020; Massey University, 2023).

--------------------------------------------------------------------------------------

Hvernig móta kynbundnar staðalímyndir mat á íþróttafólki og kennslu í íþróttum?

Rannsóknir sýna að kynjaðar væntingar hafa áhrif á hvernig áhorfendur, kennarar og dómarar meta íþróttafólk, konur eru frekar metnar sem „líkamlega veikari“ eða „minna hæfar“, sem getur haft áhrif á frammistöðu, kennsluaðferðir og tækifæri þeirra (Liu et al., 2023; Pautu et al., 2025).

Hvers vegna eru konur enn launaðar mun verr en karlar í íþróttum?

Konur fá lægri laun í mörgum íþróttum vegna rótgróinna kynjaímynda sem draga úr virði vinnu þeirra og réttlæta kerfisbundið misrétti innan íþróttaiðnaðarins, bæði í samningum og skipulagslegum ákvörðunum (Morgan, 2021).

--------------------------------------------------------------------------------------

Ef fólk myndi hætta að segja að kvennaíþróttir séu „ekki alvöru íþróttir“, hvað myndi það þýða fyrir íþróttakonur?

Það væri eins og að skipta út skóm með steinum í fyrir léttum hlaupaskóm, allt í einu gætu þær hreyft sig frjálsar, fengið virðingu sem þær eiga skilið og notið betri stöðu bæði innan og utan vallar. Og þegar virðingin hækkar? Þá fylgja fjármunir, meiri athygli og fleiri stelpur sem þora að stökkva inn í íþróttirnar af fullum krafti (Greblo Jurakić & Ljubičić, 2021).

Óvenjulegt og einstaklega áhugavert

Ef þessi síða hefur vakið upp fleiri spurningar en svör, þá er það frábært. Það þýðir að forvitnin er vöknuð og hún er besta verkfærið sem við eigum til að gera hlutina aðeins betri, aðeins skýrari og aðeins skemmtilegri.